Cərəyanlar rezonansı nədir?

 •        Elektrik dövrələrinin rejimləri üçün “rezonans” sözü rəqslər nəzəriyyəsindən götürülüb. Rezonans müxtəlif sistemlərdə, yəni, həm mexaniki, həm də elektrik sistemlərində baş verə bilər.Mexaniki  sistemlərdə  məcburi  rəqslərin tezliyi, sərbəst  rəqslərin  tezliyi  ilə  üst–üstə  düşməsi rezonans  adlanır. Bu zaman rəqslərin intensivliyinin amplitudası maksimum həddə çatır. L və C–nin qoşulduğu dövrələrdə rezonans kriteriyası kimi gərginlik və cərəyanın girişdə fazaca üst–üstə düşməsi adlanır. Elektrik dövrələrində L və C–nin birləşmə formasından asılı olaraq baş verəcək rezonans hadisələri, gərginliklər və cərəyanlar rezonansına ayrılır.

Elektrik dövrələrində rezonans

        ·       Elektrik dövrələrində rezonans dedikdə, induktiv sarğacdan və kondensatordan ibarət olan  passiv dövrənin elə bir rejimi başa düşülür ki, həmin rejimdə dövrənin giriş reaktiv müqaviməti  və ya reaktiv keçiriciliyi sıfıra bərabər olur.

Rezonans Fenomeni

 •      Rezonans fenomeni həm müsbət, həm də mənfi ola bilər. Məsələn, hər hansı bir radio qəbul edicisinin, induktivliyini və ya tutumumunu dəyişdirərək istənilən radio dalğasına tənzimlənmiş rəqs konturuna qura bilərik. Digər tərəfdən, rezonans hadisəsi dövrədə gərginliyin və ya cərəyanın sıçrayışlarına gətirib çıxara bilər ki, buda öz növbəsində qəzaya gətirir.

Cərəyanlar rezonansı zamanı baş verən hallar.

•        Cərəyanlar rezonansı zamanı dövrədən keçən ümumi cərəyan ayrı-ayrı paralel birləşmiş qollardan keçən cərəyanlardan çox-çox az olur;

•        Cərəyanlar rezonansı zamanı paralel budaqların kompleks cərəyanlarının reaktiv hissələri bir birinə bərabər olduğundan, həmin budaqlardakı reaktiv güclər də qiymətcə bir-birinə bərabər, işarəcə isə bir-birinin əksinə olur;

•        Baxılan dövrədə cərəyanlar rezonansı zamanı dövrənin giriş müqaviməti artır;

•         Kəmiyyətlərindən yalnız birini dəyişməklə digər dörd kəmiyyət üçün heç də həmiş rezonans halı əldə etmək mümkün olmur; 

•        Rezonans şərtinə əsasən qiyməti dəyişdirilən kəmiyyətin təyin olunması zamanı o, xəyali və ya kompleks qiymət alarsa, onda belə dövrədə rezonans hadisəsi baş vermir;